Një tjetër ngjarje e rëndë ka ndodhur në Shkodër.
Pas sulmit me armë ndaj një makine, të ndodhur ditën e djeshme, një tjetër ngjarje e rëndë ka ndodhur në Golem të Shkodrës.
Një person i identifikuar si Renaldo Kola, 29-vjeç mësohet se ka mbetur i plagosur nga disa plumba armësh.
Ngjarja ka ndodhur në kryqëzimin e Golemit, dhe i plagosuri po udhëtonte me një furgon kur ka mbetur i plagosur.
Shkodër/Informacion paraprak
Rreth orës 17:50, në fshatin "Golem", dyshohet se shtetasi M. K., ka plagosur me armë zjarri shtetasin R. K., 29 vjeç, banues në fshatin Golem.
Shërbimet e Policisë kanë shkuar menjëherë në vendngjarje dhe vijojnë kontrollin në zonë për kapjen e autorit.
Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit.
