Procedurat e ekstradimit të rusit Igor Kokunov, i kërkuar nga Rusia për lidhje mafioze janë pezulluar përkohësisht nga Gjykata Kushtetuese.
Ky vendim, kjo mbetet në fuqi deri në një vendimmarrje të dytë po nga kjo gjykatë.
Në mbledhjen e Gjyqtarëve të Gjykatës Kushtetuese u theksua se janë kushtet që imponojnë pezullimi e përkohshëm të kësaj procedure, ndërsa Kokunov vijon të qëndrojë në izolim.
I njohur me nofkën Vasia Bandit, pra hajdut me ligj, prokuroria ruse shkruan në dosje, se 60-vjeçari nga viti 1993- 2019 mori postin më të lartë në hierarkinë kriminale.
Statusi “hajdut me ligj”, thotë zëvendës prokurori i Përgjithshëm rus, është statusi më i lartë i përjetshëm në hierarkinë kriminale dhe dëshmon përkatësinë e tij dhe autoritetin e padiskutueshëm në elitës kriminale.
Rusët i thonë Shqipërisë se Kokunov nga 2005- 2015 ofroi patronazh kriminal të veprimtarisë së kompanisë së përbashkët aksionere “FIRST Moscow Watch Factory” me një tarifë për të marrë para në gati 1 milionë rubla.
Më pas zgjidhi konflikte me strukturat e tjera kriminale derisa zuri postin më të lartë me këta udhëheqës të botës kriminale, shkruhet më tej në dosjen që Top Channel e disponon ekskluzivisht.
