Gjykata e Durrësit ka caktuar masën detyrim paraqitjes për aktorin Rezart Veleshnja pasi akuzohet për mashtrim.
Sipas njoftimit të policisë, aktori i ka marrë automjetin një mikut të tij i cili ia ka dhënë me mirëmbesim dhe më pas e ka shitur me 200 mijë lekë.
'Specialistët për Hetimin e Krimeve të Komisariatit të Policisë Durrës ndaluan shtetasin Rezart Veleshnja, banues në Tiranë, pas me anë të mashtrimit, i ka marrë një automjet, shtetasit Y. T., dhe më pas e ka shitur', thotë policia.
Ndërkohë vetë aktori ka reaguar përmes një videoje në Instagram ku tregon se ndodhet në Pogradec, ndërsa sa i përket makinës, thotë se kishte humbur, ndërkohë që ai vetëm e ka përdorur. Sipas tij është thjesht një automjet që kishe humbur.
"Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq! Nuk ka asnjë gjë këtu, jo u arrestua jo… turp! Ishte një automjet që kishte humbur, kaq! E kam përdorur dikur, por unë s’kam lidhje më me atë makinë pasi e kam hequr", thotë aktori. /Versus.al
