Rigels Rajku, i njohur me emrin e artit ‘’Noizy’’ është paraqitur mëngjesin e sotëm në Gjykatën e Posaçme së bashku me babain e tij Bashkim Rajku pasi janë thirrur në lidhje me procesin që po mbahet ndaj ish-kreut të bandës së Lushnjës, Laert Haxhiu.
-
Në prag të gjyqit të Laert Haxhiut, GJKKO thërret dhe Noizyn
24 Shkurt, 10:22
Noizy dhe i ati janë mes 60 dëshmitarëve, të thirrur prej mbrojtjes së Laert Haxhiut, i cili momentalisht është duke u gjykuar nën akuzë si kreu i një grupi kriminal, ku edhe përfshihen 14 krime të rënda, vrasje, atentate, shpërthime me trittol si edhe grabitje me armë.
Në vitin 2022 në lokalin e Noizyt shpërtheu një sasi tritoli menjëherë pasi ky i fundit kishte dhunuar reperin Kleviol Ahmeti pas ofendimeve të vazhdueshme ndaj familjarëve të tij. SPAK zbuloi asokohe, përmes të penduarit të drejtësisë Artan Tafani se tritoli ishte vendosur me urdhër të Laert Haxhiut, si një përgjigje ndaj dhunimit të shokut të tij Kleviol Ahmeti nga Noizy dhe miqtë e tij. Versus.al
