Besimtarët e krishterë në Shqipëri dhe në mbarë botën kremtojnë lindjen e Krishtit, një prej festave më të rëndësishme në kalendarin fetar. Në kryeqytet, mesha e “Vigjiljes së Krishtit” u mbajt në Katedralen e Shën Palit duke nisur në orën 23:00. Mesha e drejtuar nga Kreu i kryedioqezës Mitropolitane Tiranë-Durrës Arjan Dodaj, u ndoq nga mijëra besimtarë.
Ai pati edhe një mesazh për këtë festë të madhe të katolikëve, duke e vënë theksin tek edukimi i brezave të rinj.
“Kemi nevojë t’i edukojmë brezat e ri tek shpresa sepse janë të shpërqëndruar nga gjërat e kota, nuk dinë të shoihin gjërat e bukura. Kush nuk ka shpresë nuk ka familje, nuk jeton në rrjet, nuk është online me dashurinë me fenë e Zotin”,- tha Dodaj.
Lindja e Jezu Krishtit u kremtua me atmosferë festive e mesha në të gjitha qytetet e vendit. Versus.al
