Eurodeputeti Fredi Beleri është sulmuar me vezë dhe kos teksa po dilte nga godinat qendrore të Kuvendit në Tiranë. Sulmi u krye nga një qytetar, duke shkaktuar reagimin e Partisë Demokratike, ku kreu i grupit të saj e akuzoi drejtpërdrejt Edi Ramën si nxitës. “Sulmi fizik i organizuar nga Edi Rama, jashtë Parlamentit, kundër eurodeputetëve, është një akt që turpëron Shqipërinë”, tha Gazment Bardhi, duke shtuar se është shkelur kodi i shenjtë i mikpritjes dhe harmonisë etnike.
“Në emër të Grupit Parlamentar të Partisë Demokratike, unë fuqishëm dënojmë sulmin fizik ndaj eurodeputetëve dhe u bëjmë thirrje autoriteteve të veprojnë menjëherë”, ka shkruar Bardhi.
Dilavar Nela njihet nga autoritetet por protestuesi që sulmoi eurodeputetin e ND nuk është i panjohur për mediat shqiptare.
Ai është një protestues i shpeshtë, i cili ka vënë në shënjestër të gjitha partitë.
Në mars 2019, në një miting, Dilavar Nela u shfaq i veshur me tre tepsi në kokë, duke simbolizuar, tha ai, Partinë Socialiste (PS), Partinë Demokratike (PD) dhe Lëvizjen Socialiste të Integrimit (LSI, tani PL). “Nuk ka Shqipëri, janë tre tepsi”, tha ai. Pak ditë më vonë Nela shkoi në kongresin e socialistëve duke protestuar. Megjithatë, ai u hoq me dhunë nga mbështetësit e kësaj partie./ Versus.al
