Deputeti socialist Erion Braçe ka ngritur sërish alarmin për mashtrimet financiare që po kryhen përmes platformave online, të cilat po zhvatojnë qindra qytetarë duke i joshur të investojnë kursimet e tyre.
Në një postim në rrjetet sociale, Braçe publikoi foto nga grupe në aplikacionin “Telegram”, ku bëjnë pjesë mijëra përdorues.
Sipas tij, për t’u anëtarësuar në këto grupe kërkohet një pagesë prej 1000 eurosh, ndërsa për të qëndruar aty duhet të sillesh një person tjetër. Si rezultat, shumë qytetarë kanë humbur miliona lekë, pasi skema funksionon si një piramidë klasike.
Nëpërmjet një videomesazhi, Braçe u bëri thirrje banorëve të Divjakës dhe Lushnjës që të mos bien pre e mashtrimeve të tilla, duke theksuar përmasat e rrezikut:
“KUUUUUULMIIIIIIIIII!!
PIRAMIDA #XUEXa NE #DIVJAKE E #LUSHNJE;
PWRMASA E MADHE SHUME!
NE DY FOTO, JANE DY GRUPE NE TELEGRAM;
GRUPI I PARE-EG ALBANIA TEAM: 10.744 ANETARE!!!!!!!
GRUPI I DYTE-EG19 GRUPI I AGJENTEVE: 447 ANETARE!!!!!
Tani bejini llogarite vete me dy kushtet;
I pari-per te hyre ne platforme kuota minimale
eshte 1000€/$;
I dyti-per te qendruar ne platforme duhet te sjellesh nje te dyte ne te;
NDERKOHE WE NE PIRAMIDE JANE FUTUR FAMILJE TE TERA ME DISA KURORA!!!!!!
Kjo eshte permasa!
VLERA ESHTE NE MILIONE EURO!”, shkruan ai.
Një nga skemat më aktive paraqitet përmes aplikacionit TXEX, që promovohet si një mundësi e sigurt investimi në kriptovaluta. Në të vërtetë, bëhet fjalë për një mashtrim të sofistikuar që shfrytëzon rrjetet sociale dhe platformat e komunikimit si Telegram, Signal dhe WhatsApp.
Mashtrimi nis me reklama tërheqëse në Instagram dhe TikTok, ku individë anonimë që prezantohen si “ekspertë tregu” krijojnë grupe investimi të rreme. Aty publikohen komente e fitime të fabrikuara, duke bindur qytetarët të investojnë shuma fillestare përmes platformave reale si Binance. Më pas, fondet transferohen në TXEX, ku nis grabitja e vërtetë.
Brenda aplikacionit, qytetarëve u shfaqen fitime të rreme që rriten çdo ditë, por kur kërkojnë të tërheqin paratë, u vendoset kushti për të paguar tarifa shtesë. Në realitet, kjo është vetëm një tjetër mekanizëm për t’u marrë më shumë para viktimave.Versus.al
