Durrës- Një konflikt i dhunshëm ka ndodhur pasditen e djeshme në plazhin e Shtëpisë së Pushimit të Ministrisë së Brendshme që njihet si Kavaleshenca, ku janë përfshirë disa pushues dhe një punonjës i plazhit që kujdesej për rregullin dhe mirëmbajtjen e çadrave.
Përplasja nisi pas një paralajmërimi që punonjësi i plazhit u ka bërë dy të rinjve, të cilët po luanin me top pranë zonës së çadrave, duke shqetësuar pushuesit e tjerë. Kaq mjaftoi që të niste një konflikt verbal që më pas ka degraduar në dhunë fizike.
Punonjësi u ofendua dhe u shty nga të rinjtë të cilët e hodhën në tokë duke sjellë një përshkallëzim të situatës. Falë ndërhyrjes së pushuesve të tjerë shumica e të cilëve ishin punonjës policie, situata pati një normalizim.
Asnjë njoftim nuk është dhënë nga policia e Durrësit lidhur me konfliktin duke e mbyllur rastin me kaq. por për disa pushues ngjarja ësthë tejet shqetësuese pasi tregon pasigurinë në një prej plazheve që supozohet të jetë mes më të sigurtëve. Versus.al
