Policia vijon intensivisht kërkimet për lokalizimin dhe kapjen e autorit Saimir Sadiku, 40 vjeçarit, i cili dy ditë më parë gjatë një konflikti në një lokal në fshatin Breg-Lumë, të Tropojës, ekzekutoi me thikë 24-vjeçarin Adrian Pepkolaj.
Ndërkohë detaje të reja janë zbadhur nga ngjarja që dyshohet se nisi me një debat për muzikën e lartë në lokal.
Sherri nisi mes dy grupeve të rinjsh të cilët ishin nën efektin e alkoolit.
Në përplasjen me njëri-tjetrin, ata kanë përdorur shishe qelqi dhe thika.
24-vjeçari, Adrian Pepkolaj ndërroi jetë në spital, ndërsa të plagosur mbetën vëllai i tij Valentin Pepkolaj dhe Shkëlzen Kukaj.
E ndërsa Saimir Sadiku është ende në arrati në pranga ranë shokët e tij, Andrin Qehaja, Xhevolin Macaj, Altin Shpendi, Anton Boçi, Jetmir Kuraj./Versus
