Rreth orës 11:30 në Shkodër, një person ende i paidentifikuar ka tentuar të kryejë grabitje në një argjendari.
Sipas burimeve nga policia, autori, i cili ishte i pajisur me skafandër në kokë, hyri brenda dyqanit, por pas kërkesës së pronarit për të hequr maskën, ai refuzoi dhe u largua me vrap, duke lënë edhe motomjetin të parkuar përpara argjendarisë.
Sipas raportimeve, jashtë dyqanit autori i ka drejtuar pronarit një armë zjarri, duke e kërcënuar që të mos e ndiqte.
Shërbimet e policisë reaguan menjëherë dhe po kryejnë kontrolle intensive në zonë për kapjen e tij.
Grupi hetimor, nën drejtimin e Prokurorisë, po punon për identifikimin e autorit dhe dokumentimin ligjor të ngjarjes.
Ngjarja po konsiderohet tentativë grabitjeje me armë, ndërkohë që policia ka ngritur patrullime dhe kontrolle në pikat kryesore të qytetit./Versus.al
