Policia e media e Malit të Zi njoftuan në orët e vona të së mërkurës së 1 janarit se është rritur bilanci i viktimave tragjike të masakrës së ndodhur në një tavernë në Cetinjë. Sipas këtyre burimeve numri i viktimave ka mbërritur në 10 persona.
I dyshuari për vrasje të shumta në Cetinje, Aco Martinovic, ka vrarë të paktën dhjetë persona në katër lokacione. Numri i viktimave mund të rritet dhe të arrijë deri në 13 paralajmërojnë autoritetet e vendit fqinj.
Kështu ka bërë të ditur sonte drejtori i Administratës së Policisë, Llazar Shqepanovic.
Ai ka thënë se Martinovic më herët ka qenë duke pirë në tavernën “Velestovo”, afër Qendrës Sportive.
Shqepanovic tha se Martinovici kishte pirë në atë objekt gjatë gjithë ditës, pas së cilës ai shkoi në shtëpi dhe mori një armë.
“Është një fytyrë e rrezikshme, e pamatur, brutale...”, tha ministri.
Ministri i Punëve të Brendshme Danilo Saranovic tha se zona ku ndodhet Martinovici është “ngushtuar” dhe se është e rrezikshme sepse është e armatosur.
Policia publikoi një fotografi të Aco Martinovicit dhe paralajmëroi se ai ishte i armatosur dhe i rrezikshëm, pas vrasjes së disa personave në Çetinje të Malit të Zi.
Administrata e Policisë ka njoftuar se Martinovic ka vrarë të paktën katër persona, duke përfshirë edhe anëtarët e familjes së tij, pas së cilës ai është larguar i armatosur nga ndërtesa dhe ka ikur.
Administrata policore ka publikuar një fotografi të Aco Martinovicit, i dyshuar për vrasje të shumta në Cetinje.
