Enea Thomarai, 29-vjeçari që mbeti i plagosur pas shpërthimit të tritolit në derën e fqinjëve të tij në Elbasan, është në gjendje kritike për jetën.
Tritoli ishte porosi e Nuredin Dumanit, thone motrat Nikolli, qe kane dhene deshmi te renda kunder te penduarit te SPAK.
I riu nga Elbasani ndodhet në gjendje kome, ndërsa mjekët thonë se dëmtimet që ka marrë në kokë, janë tepër të rënda.
“Fraktura e bazës së kafkës është dëmtim shumë i rëndë, shpesh fatal”, thonë mjekët.
Enea Thomarai mbeti i plagosur, pasi nga shpërthimi në derën e banesës së Alda dhe Xhovana Nikollit, u shkatërrua edhe dera e shtëpisë së tij, pranë së cilës në ato momente ai po kalonte.
Babai i tij me lot në sy u shpreh se i biri mbeti i plagosur në këtë atentat, edhe pse nuk kishte kurrfarë lidhje me objektivin e këtij sulmi të rëndë.
