Pas ngjarjes së rëndë të Lozhanit, ku mbeti i vdekur gjatë një operacioni policor, efektivi Enea Mekolli, ministri i Brendshëm, Besfort Lamallari dhe drejtori i Përgjithshëm i Policisë së Shtetit, Skënder Hita, dolën pasditën e sotme në një konferencë për mediat.
Hita tha se autori i shpallur në kërkim Violand Braçellari qëlloi drejt policisë duke lënë të vdekur Mekollin dhe të plagosur 36-vjeçarin Edison Adri.
Sipas tij, operacioni për arrestimin e Braçellarit u zhvillua nga policia e Korçës e cila nuk kërkoi ndihmë për shtim të forcave të policisë.
Kanë qenë 40 forca policie dhe të veshur me jelekë antiplumb, por kallashnikovi ka çarë tejpërtej jelekun.
Për këtë tha Hita do të kryhet një analizë e ngjarjes.
Poll
