Garda Revolucionare iraniane mësohet se kishte organizuar nje plan dhe kishte paguar dhe urdhëruar një vrasës me pagesë që të vëzhgonte dhe të vriste Donald Trump para ose pas zgjedhjeve, tregojnë akuzat penale të reja të zbuluara, shkruan The Telegraph.
Departamenti i Drejtësisë zbuloi akuza penale të premten për një komplot iranian për të vrarë presidentin e sapozgjedhur Donald Trump, përpara zgjedhjeve presidenciale të kësaj jave.
Nëse njeriu, i identifikuar si Farjad Shakeri, nuk ishte në gjendje të krijonte një plan deri atëherë, Irani do ta ndalonte planin e tij deri pas zgjedhjeve presidenciale, pasi ata mendonin se Trump do të humbiste dhe do të ishte më e lehtë që të vritek pastaj.
Shakeri i tha FBI-së se nuk kishte në plan të propozonte vrasjen e Trump brenda 7 ditëve që zyrtari iranian i kishte kërkuar.
Komploti, me akuzat e zbuluara vetëm disa ditë pas fitores së Trump ndaj demokrates Kamala Harris, pasqyron atë që zyrtarët federalë i kanë përshkruar si përpjekje të vazhdueshme nga Irani për të shënjestruar zyrtarët e qeverisë amerikane, përfshirë Trump, në tokën amerikane.
Donald Trump po planifikon të rrisë sanksionet ndaj Iranit si pjesë e një fushate "presioni maksimal", pohojnë burimet.
Masat janë të dizajnuara për të frenuar shitjen e naftës së Iranit, si dhe uljen e programit të saj bërthamor dhe mbështetjen për përfaqësuesit rajonalë, raportoi The Ëall Street Journal.
Masat i bëjnë jehonë fushatës së "presionit maksimal" të Trump kundër Teheranit gjatë administratës së tij të parë.
