SHBA- Presidenti Joe Biden ndihet personalisht i lënduar dhe i tradhtuar nga mënyra se si kaq shumë demokratë, duke përfshirë disa nga liderët më të lartë të partisë, e kanë lënë atë të vetëm derisa po përballet me krizën më të madhe të karrierës së tij politike.
Mediat amerikane shkruajnë se shumë nga ata udhëheqës kanë shprehur dyshime për rrugën e tij përpara, sidomos pas infektimit të tij me Covid-19.
Komenti i vetëm publik i ish-presidentit Barack Obama erdhi një ditë pas debatit katastrofik të Bidenit muajin e kaluar, kur ai shkroi në X "Ndodhin net të këqija debati" dhe foli për virtytet e ish-zëvendëspresidentit të tij. Megjithatë, privatisht, Obama ka shqetësime.
-
Obama i kërkon Biden që të tërhiqet nga gara
18 Korrik, 22:29
Bill dhe Hillary Clinton nuk kanë bërë asgjë tjetër publikisht, përveçse kanë publikuar një postim në rrjetin social “X”, menjëherë pas debatit të 27 qershorit.
Udhëheqësi demokrat i Dhomës së Përfaqësuesve Hakeem Jeffries dhe udhëheqësi i shumicës së Senatit, Chuck Schumer, të dy nga Nju Jorku të tre kanë thënë se mbështesin çfarëdo vendimi që merr Biden, por edhe pas dyerve të mbyllura, ata nuk u kanë thënë demokratëve të Kongresit që të qëndrojnë pas Bidenit ose nuk u kanë dhënë ndonjë udhëzim se çfarë duhet të bëjnë.
Përgjigjet e tyre kanë qenë të dukshme dhe kanë bërë jehonë në të gjithë partinë. Në mënyrë tipike, liderët e kongresit kanë treguar besnikëri të patundur ndaj Bidenit në momente të vështira. Biden ka një histori të gjatë me Pelosi dhe Schumer, duke punuar ngushtë me ta gjatë kohës së tij në Kongres dhe në dy administrata për të miratuar legjislacionin monumental. Versus.al
