Zyrtari i vijës së ashpër të imigracionit Tom Homan do të jetë përgjegjës për mbikëqyrjen e kufijve të Shteteve të Bashkuara në administratën e ardhshme republikane, ka thënë presidenti i zgjedhur Donald Trump.
“Kam kënaqësinë të njoftoj se ish-Drejtori i ICE dhe i patundur në Kontrollin e Kufirit, Tom Homan, do t'i bashkohet administratës Trump, në krye të Kufijve të Kombit tone postoi Trump në rrjetin e tij social "Truth Social” vonë të dielën.
"Unë e njoh Tomin për një kohë të gjatë dhe nuk ka njeri më të mirë në policimin dhe kontrollin e kufijve tanë," shkroi ai, duke shtuar se Homan do të jetë përgjegjës për "të gjithë dëbimin e të huajve të paligjshëm në vendin e tyre të origjinës".
Një rol i tillë nuk kërkon konfirmim nga Senati amerikan.
Trump, 78 vjeç, është zotuar të nisë në ditën e parë të presidencës së tij operacionin më të madh të dëbimit të emigrantëve pa dokumente në historinë e SHBA. Versus.al
