Ish-drejtori i Institutit Kombëtar të Alergjisë dhe Sëmundjeve Infektive në Amerikë, Anthony S. Fauci u shtrua në spital pasi u infektua këtë muaj me virusin e Nilit Perëndimor.
Fauci qëndroi i shtruar për gjashtë ditë teksa u kthye në shtëpi këtë javë.
“Tony Fauci është shtruar në spital me një rast të virusit të Nilit Perëndimor. Ai tani është në shtëpi dhe po shërohet. Pritet një rikuperim i plotë”, tha zëdhënësi.
Një person i njohur me Faucin, i cili foli në kushte anonimiteti për të përshkruar rrethanat, tha se ish-drejtori nuk e di se si e kontraktoi virusin.
Virusi i Nilit Perëndimor është një sëmundje e shkaktuar nga mushkonjat që mund të shkaktojë ethe, dhimbje trupi, diarre dhe skuqje, sipas Qendrave për Kontrollin dhe Parandalimin e Sëmundjeve.
Ende nuk kanë dalë vaksina apo trajtime të posaçme për virusin.
Edhe pse u largua nga qeveria gati dy vjet më parë, Fauci ka vazhduar të përballet me sulme të ashpra politike nga republikanët e Kongresit për rolin e tij në përgjigjen e vendit ndaj koronavirusit.
Në qershor, ai dëshmoi para një paneli të Dhomës së Përfaqësuesve që hetonte përgjigjen, me ligjvënësit republikanë që e akuzuan atë për orkestrimin e një mbulimi të origjinës së virusit, të cilin Fauci e refuzoi ashpër si "thjesht absurde". Eksperti i sëmundjeve infektive tha se republikanët kanë shtrembëruar emailet mes tij dhe shkencëtarëve të tjerë ndërsa diskutonin nëse një rrjedhje laboratorike e koronavirusit ishte e mundur.
Pas largimit nga qeveria, Fauci iu bashkua fakultetit në Universitetin Georgetown, ku shërben si profesor në Shkollën e Mjekësisë. Ai gjithashtu mban një pozicion në Shkollën McCourt të Universitetit të Politikave Publike./ Versus.al
A ju duken abuzive çmimet e kompanive celulare Vodafone dhe One?
-
Po
-
Jo
-
Nuk kam koment
