Partia Demokratike ka dorëzuar listat zyrtare në KQZ, dhe në dokumentin përkatës disa nga kandidatët e saj të listës së mbyllur figurojnë të regjistruar si përfaqësues të partive aleate.
Emrat e përfshirë në skandal:
Dibër
• Denisa Vata: Kryetare e degës së PD-së në Mat. Regjistruar si kandidate e Partisë Lëvizja Legalitetit (PLL).
Tiranë
• Klevis Balliu: Shef Organizimi në PD dhe drejtues politik në Njësinë 3. Regjistruar si kandidat i Frymës së Re Demokratike (FRD).
• Besart Xhaferri: Kryetar i FRPD-së. Regjistruar si kandidat i Partisë Balli Kombëtar Demokrat (PBDK).
Shkodër
• Greta Bardeli: Deputete aktuale e PD-së. Regjistruar si kandidate e Partisë Demokristiane (PDK).
Vlorë
• Atird Hoxha: Kryetar i degës së PD-së në Vlorë. Regjistruar si kandidat i Partisë Balli Kombëtar (PBK).
Qëllimi i skemës
Të gjithë kandidatët e mësipërm janë përfaqësues të qartë të PD-së: Greta Bardeli është deputete aktuale, Besart Xhaferri kryeson Forumin Rinor të partisë, ndërsa Klevis Balliu ka dalë nga primaret dhe është drejtues politik në Njësinë 4 të PD-së.
Kjo manovër ka për qëllim përfitimin e fondeve publike të alokuara për partitë parlamentare. Pas përfundimit të zgjedhjeve dhe këta individë do jenë deputetë, partitë që ata përfaqësojnë formalisht do të përfitojnë automatikisht fonde nga buxheti i qeverisë për partitë parlamentare.
Ky veprim cilësohet si një mënyrë e papranueshme dhe manipulative për të marrë fonde publike në favor të partive të vogla joaktive, duke përdorur kandidatët e PD-së si mekanizëm për të arritur këtë qëllim./VNA
