Analisti Lorenc Vangjeli ka dhënë një deklaratë të fortë në “A2CNN” duke u shprehur se një intervistë e dhënë “pa dashje” siç e cilësoi ai, do të kishte efekt shokues për PS-në në këto zgjedhje.
E ftuar e emisionit ishte edhe deputetja e PS, Ermonela Felaj. Teksa Vangjeli i cili nuk e specifikoi për intervistën e kujt bëhet fjalë, tha mes të tjerash se nëse kjo intervistë do të realizohet, do të sillte një efekt shokues në zgjedhje, jo vetëm për kryeqytetin, por për të gjithë vendin.
Pjesë nga intervista:
Lorenc Vangjeli: Një intervistë në thonjëza e dhënë pa dashje, do kishte efekt shokues për PS-në në zgjedhje. Ndonjë gjetje gazetareske..
Gazetarja: Po flisni për materiale investigative, ndoshta materiale letërporosi që mbërrijnë nga jashtë apo veprime të SPAK-ut, për çfarë e keni fjalën?
Vangjeli: Diçka më e thjeshtë në formë, nuk e përfshin SPAK-un. Por ndoshta ndonjë intervistë në thonjëza e dhënë pa dashje
Gazetarja: Mesa po kuptoj thoni se do të rezultojë rezultatin vetëm të kryeqytetit
Vangjeli: Do të kishte një efekt shokues nëse zërat që e thonë një gjë të tillë janë të vërteta
Gazetarja: Kush mund të jetë ky i intervistuar pa dashje
Vangjeli: Shto këtu pastaj edhe kushte specifike… Versus.al
