Pasi Gjykata Kushtetuese kërkoi më shumë kohë për të marrë vendimin për pagat e magjistratëve, vjen një reagim nga kryeministri Edi Rama.
Rama thekson se shumë prej këtyre vendimeve janë ekzekutuar pa u dhënë forma e prerë nga Gjykata Administrative e Apelit, duke detyruar ISSH-në të kryejë pagesat nga fondi i pensioneve, ndërsa shuma totale e detyrimeve mund të rritet edhe më shumë.
Postimi i kryeministrit Rama:
A e dini se gjykatat kanë dhënë deri më tani 92 raste në favor të llumit të pastruar nga vetingu, duke u dhënë një trajtim financiar prej rreth 12 milionë Eurosh nga buxheti i shtetit - pra duke i trajtuar jo si fajtorë, po si viktima që duhen dëmshpërblyer?! Akoma më keq, këto vendime gjykatash janë dhënë me urdhër ekzekutimi pa marrë vendimi formë të prerë (në Gjykatën Administrative të Apelit), duke e detyruar ISSH-në që nga fondi i pensioneve të kryejë pagesat për shkak të vendimit me ekzekutim! Dhe ndërkohë, radha për të marrë lekë nga taksat vazhdon edhe përtej këtij numrit 92, që do të thotë se ato 12 milionët mund të shkojnë shumë më tepër… Kjo quhet pavarësi e papërgjegjshme!/Versus.al
