Një i porsalindur ka ndërruar jetë ndërsa gjashtë të tjerë janë në gjendje kritike për jetës, kur një punëtore në një spital publik ngatërroi shishen e alkoolit me të ujit dhe e përziu me qumështin që po përgatiste për foshnjat.
Një foshnje e sapolindur ndërroi jetë ndërsa gjashtë të tjerë janë intubuar në Repartin e Kujdesit Intensiv.
Ngjarja e rëndë ka ndodhur në një spital të Qipros dhe sipas mediave qipriote, pesë persona janë arretuar dhe po shqytrohet se ndaj tyre do të rëndojnë akuza për vrajse nga pakujdesia.
Katër të arrestuarit ishin punëtorë në turnin kur ndodhi ngjarja ndërsa i arrestuari i pestë ishte në një turn më herët.
Të pestë janë dërguar në gjyktë ku kanë pretenduar se alkooli ishte në një shishe prej pesë litrash dhe u gjet në zonën e përgatitjes së ushqimit.
Kur avokati i një prej të arrestuarve e pyeti gjykatën nëse fjala ‘alkool’ ishte e shkruar dhe e dukshme në shishen në fjalë, policia i është përgjigjur pozitivisht pyetjes së tij.
Autoritetet po kryejnë hetimet për ngjarjen e paprecedentë dhe po shqyrtojnë pamjet nga kamerat e sigurisë.
Në të njëjtën kohë, Ministri qipriot i Shëndetësisë , Hakan Dincjurek deklaroi se kushdo që është përgjegjës për tragjedinë do të dënohet dhe shprehu keqardhjen për ngjarjen./Versus.al
