Fotoja e Zohran Mamdan duke bërë shqiponjën gjatë një takimi me përfaqësues të komunitetit dhe biznesmenëve shqiptarë në Nju Jork ka zëmeruar keq mediat serbe.
‘Sjellje skandaloze nga kryetari i ri i Nju Jorkut! Zemëroi serbët, bëri simbolin e shqiponjës dy krenare! Kryebashkiaku i ri zgjodhi anën e tij’, shkruan media serbe Kurir.rs
‘Ky gjest, i njohur si shenja e shqiponjës, përfaqëson identitetin kombëtar dhe krenarinë për shqiptarët , por ata shpesh e përdorin atë për të provokuar dhe fyer popullin serb, veçanërisht në ndeshje dhe ngjarje të mëdha.’ nis shkrimi i medias serbe
''Shqiptarët e pranuan Zohranin me entuziazëm, veçanërisht sepse ai tregoi solidaritet me ta duke e theksuar këtë në këtë mënyrë dhe publikisht, dhe veçanërisht sepse ai është mysliman, gjë që i pëlqeu veçanërisht një numri të madh shqiptarësh.
Mamdani, i cili u bë kryetari i ri i bashkisë së Nju Jorkut, qytetit më të madh amerikan, sigurisht që pati shumë mbështetje nga komuniteti shqiptar në këtë qytet.
Ndoshta shfaqja e shqiponjës shqiptare duhet t’i shqetësojë të gjithë në Serbi. Shqiptarët tradicionalisht i mbështesin demokratët dhe mbështetja për Zohranin tani është e shumëfishtë. Së pari, sepse ai është demokrat, pastaj, sepse është mysliman dhe së fundmi, sepse ai shprehu lidhjen e tij me komunitetin shqiptarë në Amerikë.’ vazhdoj më tej shkrimin Kurir.
Media serbe mbyll shkrimin e saj me cv të kryetarit të ri të bashkisë së Nju Yorkut në të cilën shkruan:
Zohran Kwame Mamdani ka lindur më 18 tetor 1991 në Kampala, Ugandë . Ai është djali i regjisores indiano-amerikane Meera Nair dhe shkencëtarit Mahmoud Mamdani , i cili është me origjinë indiane dhe jeton në Ugandë.
Familja u zhvendos në Nju Jork kur ai ishte shtatë vjeç. Atje ai ndoqi Shkollën e Mesme të Shkencave në Bronx dhe më pas studioi Studime Afrikane (Studime Africana) në Kolegjin Boëdoin në Maine.
Në vitin 2018, ai u bë shtetas i Shteteve të Bashkuara të Amerikës./ Përshtati në shqip Versus.al
