Tiranë- Policia ka arrestuar mbrëmjen e djeshme Roseljo Arifin, 20 vjeçarin e shpallur në kërkim nga policia si pjesë e grupit që merrej me trafikun e armëve nga Shkodra drejt Anglisë.
Më herët si pjesë e këtij grupi janë arrestuar Jurgen Suca, 26 vjeç dhe Segest Meti, 20 vjeç. Hetimet e deritanishme kanë zbuluar edhe prova të tjera sipas të cilave policia pretendon se është provuar që grupi në fjalë është përgjegjës për trafikun e armës pistoletë e cila ishte future në një televisor.
Mes anëtarëve të grupit, ka patur dëshmi kontradiktore për prezencën e pistoletës, por falë bisedave telefonike mes tyre, janë zbuluar edhe foto të ndryshme të armës së zjarrit. Gjithashtu është zbuluar edhe personi të cilit do t’i çohej porosia, për të cilin grupi përdorte nofka të ndryshme. Ka dyshime se ky grup ka trafikuar edhe më parë armë zjarri drejt Anglisë. Versus.al
