Detajet e vrasjes brutale që ndodhi të shtunën pasdite në Selanikun lindor, kur një burrë 50-vjeçar mbyti motrën e tij 59-vjeçare, janë tronditëse.
59-vjeçarja u lirua sot nga spitali ku ishte shtruar që nga 9 shtatori pasi pësoi një goditje në tru. Vëllai i saj ishte ai që e çoi me makinë në shtëpi, ku ndodhi krimi, sipas të njëjtave burime. Vrasja ndodhi 10 minuta para orës 3 pasdite.
Raportimet fillestare tregojnë se kur vëllau e motra mbërritën në shtëpi, 59-vjeçarja dyshohet se i bëri një vërejtje 50-vjeçarit, gjë që e mërzisi atë dhe çoi në vrasje. Policia u informua nga vetë autori i krimit, i cili telefonoi Qendrën e Reagimit ndaj Emergjencave dhe u tha oficerëve se "Unë vrava motrën time".
Oficerët e policisë shkuan menjëherë në vendngjarje. 50-vjeçari, i cili më parë kishte rrëfyer se i kishte marrë jetën motrës së tij, ishte ai që hapi derën, ndërsa pamja që pa policia ishte tronditëse pasi viktima ishte mbështjellë me qese mbi kokë.
Pasi rrëfeu aktin e tij dhe u arrestua, ai nuk i tregoi policisë pse e vrau motrën e tij dhe tha se do të dëshmonte vetëm në prani të një avokati, sipas informacioneve.
Autori dhe viktima ishin gjysmëvëllezër, pasi kishin lindur nga nëna të ndryshme. 59-vjeçarja jetonte vetëm, ndërsa 50-vjeçari është baba i dy fëmijëve, i martuar dhe jeton në një zonë tjetër.
Motër e vëlla në përgjithësi kishin marrëdhënie të mira, ndërsa nuk ka histori shtrimi në spital psikiatrik apo histori dhune në familje për asnjërin prej tyre./ VERSUS /
