Gjykata e Posaçme ditën e sotme, 11 nëntor lehtësoi masën e sigurisë për mjekun onkolog Edmond Gashi. Ndaj tij u hoq masa e arrestit me burg dhe u caktuar detyrim paraqitje duke i bllokuar dhe pasaportën në këmbim të garancisë pasurore prej 20 milionë lekësh të vjetra.
Por menjeherë pas këtij vendimi mjeku Gashi nuk ka vonuar dhe ka ftuar pacientët në klinikën e tij private.
Në njoftimin e klinikës së tij shkruhej se pas një periudhe sfiduese, Dr.Gashi është plotësisht të ofrojë shërbimin e tij profesional.
Gashi ishte në arrest shtëpie nga qershori i këtij viti pasi Prokuroria e Tiranës, pas hetimeve të kryera, ka akuzuar mjekun Gashi se ka qenë një nga personat kryesor, i cili ka ngritur skemën e abuzimit në spitalin e Onkologjikut.
Sipas hetimeve, dyshohet se pacientët në spitalin publik liheshin pa shërbim falas në mënyrë që të orientoheshin më pas drejt privatit, konkretisht në klinikën “Megis” në Astir.
Në dosjen hetimore vërehej dhe sjellja e tij në raport me pacientët. Në biseda telefonike të zbardhura ai kontaktohet nga infermieret që e vënë në dijeni se pacientët janë me temperaturë të lartë, por ai përgjigjet me një gjuhë aspak etike dhe profesionale duke thënë: Vari l*sht.
Gjithashtu nga kjo dosje hetimore rezulton se mjeku Edmond Gashi nuk i vinte në dijeni pacientët që në klinikën e tij private bëhen vetëm skanera, biopsi dhe ndonëse të sëmurët me kancer e paguanin për të marrë shërbimin në një kohë më të shpejtë, sërish ato do duhet të presnin në spitalin shtetëror për të marrë seancat e kimioterapisë./Versus.al
