Sarandë- Është identifikuar dhe shpallur në kërkim E.D, autori i cili dyshohet të ketë qëlluar me armë zjarri mbrëmjen e djeshme në lagjen nr.4 pas sherrit me ish-policin Adil Veli.
Ngjarja ndodhi rreth orës 19:10, kur pas një konflikti për motive të dobëta, E.D ka qëlluar me tytë pistolete Velin dhe më pas arma u shkrep në ajër. Ish-polici 56 vjeçar u mjekua në spital dhe është jashtë rrezikut për jetën.
“Nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri. Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj”- thuhej në njoftimin e policisë mbrëmjen e djeshme. Versus.al
