Komiteti i Marrëdhënieve me Jashtë i Senatit Amerikan miratoi ditën e djeshme kandidaturën e Gjeneralit në pension Eric Wendt për pozicionin e Ambasadorit të ardhshëm të SHBA-së në Shqipëri.
Me 19 vota pro dhe 3 kundër, komisioni i dha dritën jeshile propozimit të Presidentit të Shteteve të Bashkuara. Emri i tij pritet të kalojë në seancën plenare të Senatit, e cila do të ketë fjalën e fundit.
Emërimi i Wendt u mbështet nga shumica e anëtarëve të komisionit, përfshirë senatorë nga të dy partitë kryesore, në një votim që e sjell emërimin një hap më afër konfirmimit përfundimtar në Senat. Wendt do të jetë i pari ambasador amerikan në Shqipëri që pas largimit të Yuri Kim në vitin 2023.
Kush është Eric Wendt?
Eric P. Wendt i përket një brezi oficerësh amerikanë që u formuan në fund të Luftës së Ftohtë dhe u testuan në terrenet më komplekse të sigurisë globale në dekadat që pasuan.
Duke dalë nga programi ROTC në Universitetin e Kalifornisë, Santa Barbara, në vitin 1986, ai hyri në Ushtri si oficer këmbësorie, por shpejt e ktheu karrierën e tij drejt botës më elitare dhe të padukshme të operacioneve speciale.
Raporti thekson përvojën e tij të gjerë ushtarake dhe aftësitë udhëheqëse si bazë për emërimin në Tiranë, duke e konsideruar kandidaturën e tij të rëndësishme për forcimin e marrëdhënieve dypalëshe midis SHBA-së dhe Shqipërisë.
Gjeneral-lejtnant në pension Eric Wendt shërben si Profesor i Praktikës, duke dhënë mësim Komandën dhe Lidershipin në Shkollën Pasuniversitare Detare (NPS). Versus.al
