Tiranë- Është vetëdorëzuar në polici i mituri K.B emri i të cilit u përmend në polici nga prindi të miturit të plagosur në ngjarjen ku u vra 14 vjeçari M.C.
K.B ka mbërritur në polici me babain e tij, hetues i BKH-së dhe ka rrëfyer versionin e tij për dinamikën e ngjarjes. Ndër detajet e rrëfyera prej tij, mësohet të ketë thënë se ishte përpjekur të ndante bashkëmoshatarët e përfshirë në sherrin që përfundoi në tragjedi.
I plagosuri L.M ka akuzuar 14 vjeçarin e vetëdorëzuar se e ka qëlluar me një thikë më të vogël në sup. Ndërsa ky i fundit e mohon këtë duke thënë se kishte qenë pjesë e sherrit, por ishte larguar pasi u qëllua me grusht gjatë përleshjes.
Sipas policisë në sherrin e ndodhur kanë qenë në total 5 të mitur dhe po verifikohet roli i tyre në vendngjarje. Ndërsa ende nuk ka një pistë zyrtare mbi personin që largoi autorin M.P me makinë nga ku më pas ai edhe publikoi një foto si "triumfator'. Versus.al
