SHBA- Presidenti ukrainas, Volodymyr Zelensky ka mbërritur në Shtetet e Bashkuara të dielën. Pritet që gjatë kësaj vizite, Zelensky të takohet me presidentin amerikan Joe Biden të cilit pritet t’i paraqesë planin e tij për fitore ndaj Rusisë.
Zelensky do të përshkruajë planin e tij i cili sipas CNN, përfshin kërkesën e deklaruar prej kohës të Kievit për përdorimin e raketave e rreze të gjatë veprimi në objektivat brenda Rusisë. Më pas të njëjtin plan do e ndajë edhe me dy kandidatët e tjerë për president të SHBA-ve, Donald Trump dhe Kamala Harris.
"Kjo vjeshtë do të përcaktojë të ardhmen e kësaj lufte," postoi Zelensky në X nga avioni i tij përpara se të ulej në SHBA. “Së bashku me partnerët tanë, ne mund të forcojmë pozitat tona sipas nevojës për fitoren tonë një fitore e përbashkët për një paqe vërtet të drejtë.”
Zelensky e nisi vizitën e tij në Uzinën e Municioneve të Ushtrisë Scranton në qytetin e Bidenit, ku falënderoi punëtorët për ofrimin e municioneve për Ukrainën dhe tha se objekti do të rrisë prodhimin e predhave të artilerisë 155 mm thelbësore për përpjekjet e luftës së Kievit.
"Është në vende si ky ku ju mund të ndjeni vërtet se bota demokratike mund të mbizotërojë," tha ai. “Faleminderit njerëzve si këta – në Ukrainë, në Amerikë dhe në të gjitha vendet partnere – të cilët punojnë pa u lodhur për të siguruar që jeta të mbrohet”- shtoi Zelensky. Versus.al
