Detaje të reja janë zbardhur për sa përket ngjarjes së rëndë të Shënavlashit, ku autorit të vrasjes së babait të tij, Esmerald Ballës iu caktua masa e sigurisë ‘arrest me burg’. Babë e bir e kishin nisur konfliktin për shumën 75 mijë euro që ishte zhdukur nga kasaforta që mbanin në banesën e tyre në Shënavlash.
Prokurori ka ndërtuar dinamikën e krimit në bazë të deklarimeve të Esmerald Ballës dhe Edison Brahaj, i cili ishte i punësuar fermën e familjes Balla dhe akuzohet si bashkëpunëtor në fshehjen e krimit.
Organi i akuzës ka deklaruar në gjyq se ngjarja ka nisur fillimisht në furgonin e familjes për faktin që tek kopeja e deleve nuk kishte bari dhe delet ishin vetëm, ndërkohë që në fugon ndodhej viktima, djali i tij dhe çobani i fermës.
Mes babë e bir në atë moment konflikti ka kaluar tek shuma e konsiderueshme të parave që mungonin, pasi i ati i tregoi që 75 mijë eurot e kursyera i ka gruaja me të cilën dyshohet se kishte një marrëdhënie intime.
Sipas Esmeraldit, pistoletën e ka nxjerrë Enveri, por gjatë përleshjes arma është shkrepur dhe plumbi ka qëlluar babanë.
Pasi 62-vjeçar ra në tokë, i biri e ka qëlluar sërish me plumb duke e lënë pa shenja jete.
Në bashkëpunim me Edison Brahajn kanë tërhequr trupin dhe e kanë hedhur në pusin e një familje tjetër rreth 1 km nga stani i tyre.
Organi i akuzës ka deklaruar në Gjykatë se është dokumentuar çdo gjë për këtë ngjarje të rëndë.
Kujtojmë se Gjykata dha ditën e sotme masën e sigurisë 'arrest me burg' për autorin dhe shokun e tij, ndonëse ky i fundit i mohoi akuzat. / Versus.al
