Gjykata e Apelit me Juridiksion të Përgjithshëm në Tiranë ka dhënë sot vendimin për biznesmenin Francesco Becheti, duke e dënuar me 12 vite burg.
Dënimi i tij u ul me 5 vite krahasuar me vendimin e Shkallës së Parë, për shkak të aplikimit të nenit 55 të Kodit Penal, që parashikon bashkimin e dënimeve.
Treshja e gjyqtarëve që mori vendimin për këtë çështje – Genti Shala, Brikena Ukperaj dhe Dritan Hasani – ndryshoi pjesërisht vendimin e mëparshëm, duke rregulluar një pjesë të dënimit, ndërsa konfirmoi pjesën tjetër.
Becchettin akuzohet se përmes kompanive të tij kishte krijuar një skemë të mashtrimit me TVSH dhe pastrim parash.
Ai u akuzua për 4 vepra penale “Vjedhje duke shpërdoruar detyrën”, “Pastrimi i produkteve të veprës penale ose veprimtarisë kriminale”, “Falsifikim Dokumentesh”, “Krijimi i skemave mashtruese lidhur me Tatimin mbi Vlerën e Shtuar”.
Biznesmeni italian vazhdon të jetë në arrati dhe për të ka një mandat arresti ndërkombëtar./Versus.al
