Gjatë ditës së djeshme, SPAK dhe autoritetet finalndeze mbajtën një konferencë për shtyp ku njoftuan goditjen e disa grupeve kriminale shqiptare që merreshin me trafikun e drogës nga Spanja e Holanda drejt Finlandës, ndërkohë që drejtuesit orkestronin gjithçka nga telefoni.
Në Shqipëri u lëshuan 11 masa arresti me burg prej të cilave u ekzekutuan 9. Ndërsa gjatë konferencës ran ë sy fakti që kreu i SPAK, Altin Dumani përmendi se kjo është hera e parë që vihet re përfshirja e shqiptarëve në trafikun apo përgatitjen e drogave sintetike si amfitamina.
Autoritetet finlandeze kanë publikuar edhe foto nga amfetamina, kanabisi dhe kokaina e sekuestruar duke treguar gjithashtu edhe fazat në laborator nëpër të cilat kalonte procesi për përgatitjen e tyre dhe më pas paketimin dhe shitjen. Në disa raste ato paketoheshin dhe futeshin në qese me mbishkrimin 'sheqer i përpunuar'.
Në përfundim të procesit pakot e përgatitura shënoheshin me numrin 333 me gjasë për të bërë të mundur identifikimin e tyre nga personat që e merrnin në dorëzim. Versus.al
