Tritoli në lokalin "Perla e Detit”/ Gjobë 500 mijë € pronarit, arrestohen 3 persona! Mes tyre ish-efektivi që shoqëroi Martinajn!

*Tre persona janë arrestuar dhe një tjetër është shpallur në kërkim si të dyshuar për shpërthimin që ndodhi ditën e djeshme në restorantin “Perla e Detit” në Kamzë. *Të arrestuarit janë: Jeton Lami, 31 vjeç, Florin Domi, 30 vjeç, dhe Flogert Mezhika, 34 vjeç, ndërsa në kërkim është shpallur Ervis Lami, i cili më herët gjatë këtij viti ishte nën hetim për vrasjen e postierit Lulzim Visha, po në Kamzë. *Jeton Lami është ish-oficer i forcave Operacionale, i liruar nga burgu në nëntor të vitit 2023, i dënuar për shpërdorim detyre. *Ai dyshohet se ka shoqëruar me makinë të shumëkërkuarin Ervis Martinaj në Durrës, para se ky i fundit të zhdukej pa lënë gjurmë.