Një ndjekje me armë dhe përplasje automjetesh ka ndodhur rreth mesditës së sotme në zonën e “Liqenit të Thatë” në Tiranë, ku Forca e Posaçme “Shqiponja” ka tentuar të ndalojë një automjet me drejtues shtetasin Imer Krrashi, 31 vjeç, pasi kishte dyshime se po qarkullonte me armë zjarri.
Ngjarja ka ndodhur rreth orës 12:30. Sipas burimeve zyrtare, në momentin që efektivët i kanë bërë shenjë ndalimi, Krrashi ka injoruar urdhrin e Policisë dhe ka tentuar të largohet me shpejtësi, duke shkaktuar kaos në rrugë.
View this post on Instagram
Gjatë arratisjes ai ka përplasur disa automjete dhe një motomjet, ku për pasojë janë plagosur drejtuesi dhe pasagjeri i motomjetit. sipas informacioeneve të para dyshohet se i plagosuri ështënjë punonjës i policisë, ndërsa bashkëshortja e tij ka qenë pasagjere në motorin e përplasur nga Krrashi. Të dëmtuarit janë transportuar menjëherë në spital dhe ndodhen jashtë rrezikut për jetën.
Pas një ndjekjeje intensive nga shërbimet e Policisë, automjeti u ndalua dhe gjatë kontrollit u gjet një armë zjarri tip pistoletë.
Policia ka nisur hetimet dhe njoftoi se detaje të mëtejshme do të bëhen publike pas përfundimit të veprimeve procedurale.
