Gjatë një takimi në Vlorë, kryetarit të qeverisë Edi Ramës iu dhurua një buf. Në një postim në rrjetet sociale, ai shkroi: "Kujt s’ia gjetën vlonjatët! Faleminderit për dhuratën e veçantë." Fotografia e bufit u nda me një mesazh shumë të thjeshtë, por plot mirënjohje.
Nga ana tjetër, lideri i opozitës, kryedemokrati, Sali Berisha mori nga aferisti shqiptar, Kujtim Potja, dorezën e kampionit botëror të boksit me mbishkrimin e tij, për zgjedhjet e 11 majit. Berisha mori edhe një shampanjë me idenë që ta hapë kur të fitojë zgjedhjet parlamentare.
Kujtojmë se Berisha aktualisht po zhvillon një seri takimesh me shqiptarët në Itali, duke u përpjekur të forcojë lidhjet me diasporën dhe të ftojë bashkëqytetarët e tij për të mbështetur opozitën në procesin zgjedhor.
