Policia e Tiranës ka shpallur në kërkim dy shtetas, të cilët akuzohen se kanë ushtruar dhunë fizike ndaj dy efektivëve të Policisë Bashkiake, për shkak të detyrës së tyre.
Ngjarja ka ndodhur në një nga zonat urbane të kryeqytetit, ndërsa sipas burimeve zyrtare, denoncimi është bërë nga vetë punonjësit e dhunuar, çka ka çuar menjëherë në nisjen e hetimeve nga strukturat përkatëse.
Shkaqet dhe rrethanat që çuan në këtë përplasje mbeten ende të paqarta. Autoritetet nuk kanë bërë të ditur identitetin e të kërkuarve, ndërkohë që hetimet vijojnë për zbardhjen e plotë të incidentit dhe vënien e autorëve para drejtësisë./Versus.al/
Poll
